Sanaartornermi aningaasartuutinut naleqqersuut
2014-imi juulimiit 2015-imi januaarimut sanaartornermi aningaasartuutinut naleqqersuut 0,9 procentimik qaffariarput. 2013-imi juulimiit 2014-imi januaarimut allannguummit tamanna annertuneruvoq, tassani qaffariaat 0,7 procentiugami.
Titartagaq 1. 2011-mi juulimiit 2015-imi januaarimut sanaartornermi aningaasartuutinut naleqqersuutip ukiup affakkaartumik allanngorarnera
2015-imi januaarimi naleqqersuutip ukiup affakkaartumik qaffannera peqquteqarpoq Sulinermut akissarsiaq (2,4 pct.-imik) qaffammat, tamanna naleqqersuutip allanngorneranut 1,14 procentpointimik ilapittuutaavoq. Angallassinermi aningaasartuutit naatsorsuiffimmi kingullermi (-1,7 pct.-imik) appariarput, tamatuma malitsigaa, naleqqersuutip -0,29 procentpointimik appariarnera. Atortussanut aningaasartuutit (0,1 pct.-imik) qaffapput, tamanna naleqqersuutip allanngorneranut 0,04 procentpointimik naleqarpoq.
Titartagaq 2. 2008-mi januaarimiit 2015-imi januaarimut sanaartornermi aningaasartuutinut naleqqersuut
